Tumse pahle wo jo ek shakhs yaha takht-nasheen tha,
Us ko bhi apne Khuda hone per Itna Hi Yaqeen tha.
Koi thahra ho jo logo ke Mad-e-Muqabil to batao,
Wo kahan hain ki jinhe naaz bahut Apne-taiin tha.
Aaj so.e hain Tah-e-khak na jaane yahan kitne,
Koi shola koi shabnam koi mahtab-jabin tha.
Ab wo firte hain is Shahar main tanha liye dil ko,
Ek zamane main mijaz un ka Sare-Arsh-Barin tha.
Chhodna ghar ka hamen yaad hai 'jalib' nahin bhule,
Tha Vatan zehn main apne koi Zinda to nahin tha.
- Habib Jalib (Born 28 Feb 1928 Hoshiyarpur India, Died March 1993 Lahore Pakistan)
A tribute to all the wars fought hitherto against suppression of dissent.
Kartikey
No comments:
Post a Comment